Can Birahîm: Vedenga Can

Description

RONÎDARÎ

Ger ne ji nobedariya tarî û ronî be,

Û her goga zemînê bê av û ba be,

Wê çawa cîhan jînwar û avahî be?

Ger gerdûn bê raderê jiyangerî be,

Û her buhar ne li dûv zivistanê be,

Qet jîndariya herfî pîne nabe..

*****

Ger ardhevîrê tîr nemeye, wê nan xav be,

Qet bê xwendin û çand liv û tevger nabe.

Ger sûd ji şikest û ketinan nebe,

Û kesê ketî ji ketina xwe fêr nebe,

Wê lêvgezî û poşmanî nîşana wî be,

Û rewşa penaberiyê her gera wî be.

*****

Ger pênûs ne gorî pîvanên baweriyê be,

Heyvanê pênûsê ne şar û rastî be,

Wê civak li paşmayî û rihilî be.

Ger welatê em lê ne welatê me be,

Û ziman jî pir dûrî zimanê me be,

Wê sirgûniya bê ûd her para me be.

Can Birahîm

Vedenga Can